XX. mendeko Euskararen Corpus estatistikoa

Testuingurua

Atomoena propietateetaz mintzatzen ginenean, atomoen portaera elektroiekiko ikusi genuen eta honen arauera,
- afinitate elektronikoa
- ionizatze potentzialea definitu genituen.

Afinitatea zera da: elementu batek elektroi bat harrapatzerakoan egozten duen energia.

Ionizatze potentzialea zera da: elementu batek elektroi bat egozterakoan behar duen energia.

Bi magnitudeok elkar konbinatuz, elektronegatibitatearen kontzeptua sortu genuen.

Kontzeptu honen arauera, atomoek elkartzerakoan duten joerak azal daitezke:
bi atomo oso elektronegatibo: lotura kobalente
bi atomo oso elektropositibo: lotura metaliko
bi atomo, bata elektronegatibo eta bestea elektropositibo, lotura ioniko.
Azken biak ikusiko ditugu gai honetan.

LOTURA IONIKOA Demagun bi atomo ditugula, bata elektropositiboa eta bestea elektronegatiboa.

Bata besteari hurbiltzen zaionean, elkarrekin konbinatuko al dira? Erantzuna bi eratakoa da: BAI, Ez.

Bata edo bestea prozesuan askatzen den energiaren arauerakoa da.

Beraz, lotura formatuko den ala ez ikusteko prozesua estudiatu beharko dugu.

Demagun, adibidez, Cl eta Na atomoak; kloroa elektronegatiboa eta sodioa elektropositiboa.